Eliana Martíns (Cans).
Se te vas de escaparates por Porriño, poderás comprobar que hai uns cantos 'okupas' nos vidros dalgunhas tendas. A arte aquí non é simplemente cine, senón que chega tamén ten unha vertente máis plástica.
Quince artistas locais puxéronse mans á obra para reinterpretar a figura do Can do Festival. Cada artista utilizou a base dunha silueta de madeira que a organización lles facilitou, e os resultados saltan á vista. Os artistas utilizaron dende metacrilato, a céspede artifical, plástico, xeso, telas, revistas ou papel de parede.
Os comerciantes están encantados. Na óptica na que Ana traballa de dependenta, din que a xente se para a miralos e que se fixan máis no escaparate. Ofrecéronlle colocalo, e a verdade é que queda unha decoración moi orixinal.
Pero teñen os días contados, xa que este sábado a Can Parade abandona os cómodos comercios do centro Porriño para trasladarse ás leiras de Cans no día grande do festival. Ou acaso ían perderse o evento do que eles mesmos son protagonistas?
Created with Paul's flickrSLiDR.
24/05/2007
