Xeración Dixital

Hai uns días o líder do BNG Anxo Quintana prometía facer unha campaña diferente a do PSdG e do PP. Así está a ser, non tanto polos discursos, que non se alonxan en exceso dos tópicos dos mitins, como polas fotografías que resultan dos seus actos de campaña.

Se a semana pasada sorprendía ós medios emulando a Ringo Starr xunto ó alcalde de Boiro, hoxe descubría a súa paixón polos bolos en Riotorto, se cadra como práctica ante o debate de mañán na Televisión de Galicia.

Sobre este punto, Quintana criticou que o Partido Socialista non confirmara aínda a asistencia do titular da Xunta Emilio Pérez Touriño. "O bo en Democracia sería que ir non fora noticia. O que quere a xente é que deixemos de falar nos mitins e debatamos as nosas ideas".

"Fraude á democracia"
Alberto Núñez-Feijoo tamén confirmou a súa asistencia ó espazo "Hai debate" da Galega, independentemente do que decida o titular da Xunta.  Precisou que se Touriño non acude ó encontro será "un fraude á democracia, e significará que non quere contrastar o seu programa, ideas e opinións".

Feijoo lembrou que a TVG  coa idea de que fosen os líderes das tres forzas políticas con presenza parlamentaria os que acudiran e non un representante designado polos partidos. Por iso fixo un chamamento ó sentido común "para que non se volva a rajar".


Silencio no PSdeG
Pola súa parte, Touriño non fixo ningunha mención ó debate durante a parada que a súa campaña fixo hoxe en Lugo, onde estivo acompañado do alcalde López Orozco e da vicepresidenta do Goberno Mª Teresa Fernández De La Vega.

O PSdeG apunta que designará ó dirixente que mellor represente os intereses do partido á hora de plantexar propostas, pero resístese a confirmar se ese podería ser o propio Touriño. Esta opción perde forza mentres se especula coa presencia dalgún candidato das sete grandes cidades. O PSOE destaca a "sorpresa  pola insistencia en debatir así como a permanente presenza dalgúns líderes na TVG".