Ana García (Santiago).
As eleccións déixannos sempre imaxes sorprendentes, divertidas ou estrañas, con políticos facendo o imposible por gañarse o voto dos distintos sectores. Desta vez tocoulle ós novos e o protagonista, Quintana. O portavoz nacional do BNG acudíu hoxe ó local de ensaio de Boiro, co obxectivo de explicar o seu proxecto para a mocidade e atender ás súas preguntas.
Despois de ser recibidos a golpe de baqueta e guitarra eléctrica, tanto Quintana como o alcalde da localidade, Xosé Deira, procuraron amosar, con pouco éxito, as súas cualidades musicais. A demostración non pasou dun par de sons de batería e decidiron pasar directamente ó asunto que os levara ata aló, coas propostas para os mozos. O portavoz do grupo nacionalista comprometéuse a crear unha auténtica 'rede galega de locais de ensaio' así como reiterar o compromiso do seu partido co emprego.
11/05/2007
