Xeración /Axencias.
Fracasou en Filipinas un intento de golpe de estado incruento. O xeneral Danilo Lin e o oficial e senador Antonio Trillanes pecháronse xunto a varias decenas de soldados armados, e algúns representantes políticos, nun hotel do distrito financeiro de Manila, Makati, e reclamaron a dimisión da presidenta Gloria Macapagal-Arroyo "lle roubou a presidencia a Joseph Estrada e logo amañou as eleccións de 2004". Ambos os dous líderes rebeldes rendéronse cando as tropas fieis ao goberno asaltaron o hotel.
Trillanes e Lim, que poucas horas antes encabezaran unha marcha xunto a medio centenar de persoas polas rúas de Manila, negáranse a negociar a súa rendición co xefe nacional da Policía, Geary Barias, pero finalmente cambiaron de opinión, porque "se alguén resulta ferido, non queremos telo sobre as nosas conciencias".
O terceiro intento dos mesmos líderes
Estes dos militares xa participaran no motín de Manila ocorrido en 2003, e no falido golpe de estado de 2006, os dous contra a presidenta Macapagal-Arroyo, á que acusan de corrupció, de apoiar ao grupos armados islamistas e de ignorar os asasinatos de militantes de esquerda. Hoxe Trillanes e Lim debían comparecer nos tribunais para declarar sobre a súa implicación neses feitos
O goberno reaccionou de xeito fulminante, desprazando máis de 1.000 soldados a Manila. "Non imos permitir outro motín", declarou o conselleiro xefe da Presidencia, Sergio Apostol. Ademais, declarouse o toque de queda durante todo o día de hoxe.
Os rebeldes apoian a o ex presidente, Joseph Estrada, quen foi o decimo terceiro xefe do Executivo filipino e resultou derrocado en 2001 por unha revolución popular pacífica, liderada polos seus opositores políticos, membros da Igrexa e empresarios descontentos coa perda de dominio económico.
A pesar de que Lim e Trillanes contaban co respaldo do ex vicepresidente filipino, Teofisto Guingona, os bispos Antonio Tobías y Julio Labayen, e varos destacados políticos de esquerda, que tamén se pecharon con eles no hotel, non lograron, de primeiras, que o groso do Exército se amotinase con eles.
O goberno de Macapagal-Arroyo é cada vez máis impopular a causa dos moitos escándalos de corrupción e da represión violenta. O seu principal logro é unha mellora da economía filipina.
Dez golpes de estado en 11 anos
Dende que o 25 de febreiro de 1986 a protesta pacífica de milleiros de filipinos derrocou ao réxime de Ferdinand e Imelda Marcos, a chamada 'ditadura conxugal', e situou no poder a Corazón Aquino, téñense producido dez intentos de golpe de estado, sete deles durante a presidencia de Aquino (1986-1992).
29/11/2007
