L-V.
Pirulo teno claro. O que fora técnico do Obradoiro no polémico play-off que deu inicio ás demandas do club santiagués hai 17 anos cre que, ante a sentenza que obriga á ACB a readmitir o equipo, este e mais o Rosalía deberían “chegar a un acordo” para que Santiago
contara cun equipo na elite.
“O ideal sería iso. Compostela é unha cidade conflitiva e os dous equipos teñen uns obxectivos moi distintos, pero se coexistisen os dous, acabarían morrendo. Están condenados a entenderse se queren que a cidade conte cun equipo na ACB”, asegurou.
"Persoas moi válidas" nas dúas directivas
Un día despois da sentenza, Manuel Fernández Rey, Pirulo, cre que os directivos do Rosalía e do Obradoiro “acabarán sentando nunha mesa” para artellar unha solución. “Sei que nas dúas directivas hai personas íntegras, moi boas e válidas que poden ser capaces de acadar o obxectivo”, insiste este mito do baloncesto, que volveu agradecer o labor dos que fixeron
posible que non se esquecera o caso Obradoiro.
“É unha alegría e unha satisfacción para min que se fixese xustiza, aínda que fora tan tarde e tamén sinta unha pena enorme por toda a xente que loitara naquel magnífico equipo”, aclara. “Este presidente tivo paciencia e conseguiu algo xusto para todos”, di.
Ademais, Pirulo tamén ten palabras para aqueles que, tanto na Federación Española como nalgúns medios, manteñen aínda que o Obradoiro pretende “un roubo”.“Iso é todo envexa. Non teño cualificativos para esa xente. Ben, si os teño, pero son impronunciables”, remata.
29/11/2007
