AGN.
Catorce ilustradores participan na exposición 'Feísmo Ilustrado', que se poderá ver no Centro de Desenvolvemento Comarcal do Salnés ata o vindeiro 15 de decembro. Organizada pola Sociedade para o Desenvolvemento Comarcal de Galicia, a mostra reúne a visión de artistas gráficos galegos sobre este problema urbanístico e paisaxístico.
Forges, Jacobo Fernández, Ánxeles Ferrer, Fina Jarama, Xan López, Xaquín Marín, Pinto&Chinto, Miguelanxo Prado, Miguel Robledo, Kiko Dasilva, Alberto Vázquez, Óscar Villán e Xosé Lois asinan as obras de grande formato que se amosarán baixo o título 'Feísmo ilustrado'. Os visitantes poderán levar gratuítamente reproducións das ilustracións expostas.
A exposición será inaugurada o vindeiro venres pola directora xeral de Fomento e Calidade da Vivenda, Encarna Otero; o delegado en Pontevedra da Consellería de Medio Rural, Gonzalo Constenla, e o director xerente da Sociedade para o Desenvolvemento Comarcal, Emilio Martínez.
28/11/2007
