Xeración.
A Asemblea Constituínte de Bolivia volveu reunirse por primeira vez dende o 15 de agosto, trabada por disturbios e manifestacións, pero sen a presencia dos deputados da oposición, e aprobou "o groso" do texto da nova Constitución Política do Estado, grazas a maioría suficiente de representantes do Movemento ao Socialismo (MAS) de Evo Morales. Aínda será necesaria unha votación artigo por artigo para considerar válida a Carta Magna.
As deliberacións tiveron lugar no Liceo Militar da cidade de Sucre, onde se produciu un forte enfrontamento entre os manifestantes opositores á nova Carta Magna e as forzas da Policía e do Exército, no que morreron tres persoas.
O presidente Evo Morales, nunha mensaxe por televisión, deu xa por segura a aprobación da nova Carta Magna e pedíu unha investigación "urxente e imparcial" para averiguar quen foron os responsables dos disturbios ocorridos durante todo o día en Sucre. Tamén declarou que, para el, o principal sospeitoso é Jorge Quiroga, líder da alianza dereitista Poder Democrático e Social (Podemos).
A gran promesa de Evo Morales
Reformar a Constitución para darlle máis representación aos indíxenas fora unha das principais promesas da campaña de Morales, elixido presidente no 2005. Pero dende o momento en que se formou a Asemblea Constituínte, hai hoxe 16 meses, as manifestacións en contra foron continuas e impediron os traballos de redacción da nova Carta Magna.
Un dos principais puntos de desacordo foi o establecemento da capitalidade do País. Sucre, situada no surleste, foi a capital de Bolivia atan 1899, ano no que as institucións trasladáronse a La Paz, no oeste. Agora os sucrenses queren recuperar o rol de principal cidade de Bolivia e convertéronse nun dos principais opositores a unha reforma constitucional que non contempla esa posibilidade.
O enfrontamento entre leste e oeste
Esta rivalidade local esconde, en realidade, o enfrontamento entre as comunidades indíxenas máis pobres do oeste do país, os principais defensores de Evo Morales e o MAS, e os bolivianos ricos do leste. A reforma Constitucional está tamén encamiñada a aumentar o control do Estado sobre os recursos naturais, algo que non gusta nas rexións onde hai máis empresas instaladas.
Morreron dous manifestantes e un policía
Nos disturbios morreu un avogado de 29 ano, Gonzalo Durán, por mor dun disparo no peito, e alomenos tres estudantes resultaron feridos. O ministro de Goberno, Alfredo Rada, declarou que se descoñecen as circunstancias da morte de Durán, porque as Forza de Seguridade non empregaron armas letais.
Ademais, o policía Jhimmy Quisque faleceu tras ser linchado polos manifestantes e outros tres axentes resultaron feridos, segundo o comandante nacional da Policía, Miguel Vázquez. Tamén finou un estudiante, cuxa indentidade non se fixo pública, e houbo alomenos 130 feridos.
O prazo para presentar o texto da nova Constitución finaliza o 14 de decembro, por lei, o que motivou que a Asemblea se volvese reunir para traballar contra reloxo, a pesar das constantes protestas. Os partidos da oposición, consideran que as deliberacións da Constituíntes son ilegais "porque se realizan entre fusís e baionetas". A presidenta da Asemblea
25/11/2007
