Axencias (Santiago).
Polo menos once mortos. Este é o tráxico balance do estoupido de tres bombas situadas nas sés dos xulgados de tres cidades do norte da India. As explosións producíronse de maneira case simultánea.
O suceso, cualificado de "ataque terrorista" polo Ministerio do Interior do país, produciuse nas localidades de Lucknow, Benarés e Faizabad, todas elas situadas na rexión máis populosa da India, Uttar Pradesh. Polo menos sete persoas perderon a vida no atentado na segunda das cidades, mentres que na última delas as autoridades confirmaron catro mortes.
O número de vítimas en Lucknow descoñécese polo momento, xa que o estoupido foi, segundo a policía, de baixa intensidade.
Os avogados, posible obxectivo
Tódalas bombas estalaron preto dos xulgados, polo que se baralla a posibilidade de que os autores tivesen como obxectivo ó colectivo de avogados que, segundo o director xeral da Policía de Uttar Pradesh, recentemente se negaran a defender a varios terroristas.
As autoridades apuntaron a que os tres artefactos semellan obra dun mesmo grupo, aínda que polo de agora non hai probas que confirmen un ataque terrorista.
23/11/2007
