Axencias.
O Celta logra unha victoria axustada pero merecida no campo do Hércules de Alicante (0-1), grazas a un gol de Perera. Os vigueses amosaron a súa fortaleza e dominaron o partido dende o primeiro minuto, creando varias ocasión de marcar. A máis clara estivo nas botas de Núñez, que desperciou un tiro a porta baleira antes de que ninguén comezase a suar.
Conforme pasaban os minutos, o Celta abandonou a súa ansia ofensiva e adicous a xogar atrás, cortando con solvencia as ofensivas dun Hércules que nunca chegou a inquedar ao porteiro Esteban.
O gol chega dun excelente centro
Aos dez minutos da segunda metade, Perera rematou a pracer un preciso centro de Lago, que superou por arriba aos dos centrais alicantinos para deixar sentenciado o encontro.
Tras o gol, os galegos non pasaron a defensa total, senón que mantiveron o interese do xogo con algún contragolpe, deixando ao Hércules sen ocasión de empatar e cortando en todo momento o seu ritmo de xogo.
18/11/2007
