AGN.
O conselleiro de Presidencia, José Luís Méndez Romeu, asegurou esta semana no Parlamento de Galicia que o rexistro legal de parellas de feito entrará en vigor antes de que finalice o presente 2007. Así mesmo, adiantou que en xaneiro de 2008 modificarase o regulamento da Asistencia Xurídica Gratuita, o que suporá que os avogados en quenda de oficio teñan un mellor salario.
Méndez Romeu realizou estas declaracións en resposta a unha pregunta formulada pola parlamentaria socialista Beatriz Sestayo, que interrogou ao conselleiro sobre a previsión de planificación integral da Administración xeral de Xustiza en Galicia.
Máis medios
Por outra banda, o conselleiro anunciou que se van a mellorar as unidades xudiciais en dez cidades e vilas galegas. Así mesmo, subliñou que unha das grandes apostas do departamento que dirixe será a aplicación das novas tecnoloxías para agilizar os procedementos xudiciais. Neste sentido, destacou a informatización de 45 registros civís e precisou que 171 salas contarán cun sistema de videoconferencia.
18/11/2007
