Xeración.
Quedaron desvelados os que serán os rivais das seleccións galegas de fútbol -feminina e masculina- nos partidos que desputarán en Balaídos o vindeiro 27 de decembro. Confirmáronse todos os rumores no que ao combinado masculino se refire, e Camerún será o rival a bater pola selección galega no seu terceiro partido.
En canto ao combinado feminino, estrarase no seu primeiro partido enfrontándose á selección catalana. Os dous encontros serán o mesmo día e no estadio vigués de Balaídos, pese a que as horas aínda están sen confirmar.
Igualdade no deporte
A directora xeral para o Deporte, Marta Souto, e o presidente da Federación Galega de Fútbol, Carlos Meana, daban a coñecer hoxe os rivais dos combinados galegos. No acto, ambos aproveitaron para destacar que a creación da selección feminina contribúe a avanzar cara a igualdade e integración no deporte galego.
A selección feminina de fútbol únese así aos combinados xa existentes de baloncesto e balonmán.
07/11/2007
