AGN.
O simposio internacional 'Pobre Mundo Rico', organizado polo Club Internacional de Prensa', comeza mañá en Vigo o seu segundo mes de programación cun debate sobre a influencia do cambio climático na pobreza e cunha conferencia sobre riqueza, pobreza e ecoloxía a cargo de Marcos Arruda.
Por outra banda, o ciclo 'Cinema contra a pobreza' acollerá tamén na cidade olívica a proxección da a curta brasileira 'Escola pública' e do capítulo 'Camino de la extinción', da serie documental 'Voces contra la globalización'.
No debate sobre cambio climático e pobreza, que se desenvolverá na cidade olívica a partir das 17 horas, participarán o director de Greenpeace en España, Juan López de Uralde; Ramón Fernández, de Ecoloxistas en Acción, e Carlos Valesm director do Centro de Extensión Universitaria e Divulgación Ambiental de Galicia.
A conferencia do coordinador xeral do Instituto de Políticas Alternativas para o Cono Sur, Marcos Arruda, celebrarase a partir das 19.30 horas, e repetirá ao día seguinte en Ferrol, onde compartirá escenario co fundador de ATTAC e director xeral de Le Monde Diplomatique, Bernard Cassen.
04/11/2007
