Sete detidos e 3.360 quilos de cocaína incautados é o resultado de dúas intervencións policiais conxuntas que se realizaron nas rías de Vigo e Pontevedra e no porto de Meloxo, no Grove.
AGN (Santiago).
A incautación de 3.360 quilos de cocaína é o resultado de dúas operacións conxuntas contra o tráfico de estupefacientes emprendida na provincia de Pontevedra. En concreto, foron as rías de Vigo e Pontevedra e o porto de Meloxo, no Grove, os escenarios da intervención, na que foron detidas sete persoas.
O Ministerio de Economía e Facenda informou de que ámbalas dúas operacións, coñecidas en conxunto co nome de Piraña, se porían en marcha esta madrugada. A primeira delas desenvolveuse nas inmediacións do cabo Home, á entrada das rías de Pontevedra e Vigo, coa detención da primeira das lanchas que transportaba uns 90 fardos de cocaína.
A segunda manobra realizouse nas proximidades do porto de Meloxo, coa intervención da outra embarcación que ficou varada na praia logo de tirar pola borda un número indeterminado de fardos. A maioría deles foron recollidos polos axentes.
Durante a mañá, funcionarios de Aduanas rexistrarán as lanchas, que foron trasladadas ó peirao da Etea, no municipio vigués de Teis.
29/10/2007
