Xeración /AGN (Santiago).
A idade na que os mozos galegos inícianse no consumo de drogas por primeira vez está baixando, dacordo co subdirector xeral de Saúde Mental e Drogodependencias do Servizo Galego de Saúde (Sergas), Víctor Pedreira Crespo, quen confirmou tamén un cambio de tendencia no uso abusivo do alcol, cun 4,5% menos nun período de dous anos.
Pedreira Crespo referiuse a un estudo epidemiolóxico cuxos resultados déronse a coñecer recentemente e foi realizado entre 20.000 nenos e mozos de 14 a 18 anos.
A enquisa, na que participaron 2.240 alumnos galegos (un 10% da mostra nacional) reflicte unha baixada en tódolos consumos, así como un retraso na idade de inicio, salvo no caso da cocaína, cuxo uso "aumenta lixeiramente", sinalou.
Así, no caso alcol e o tabaco, o inicio situábase en 2005 arredor dos 13 anos, mentres que agora esta en torno ós 14 e nos 15 para o cannabis e as drogas de deseño.
O subdirector xeral indicou que estes datos resultan "alentadores", polo que insistiu en que haberá que seguir mantendo un sistema de alerta, o cal asegurou "está empezando a funcionar".
Baixa o consumo
Sobre a referida enquisa, neste caso a partir de datos de consumo, Pedreira Crespo aludiu a outros datos igualmente significativos, como o da baixada do consumo abusivo de alcol do 4,5% dende 2005, entre persoas de 12 anos en diante.
Rexistrouse igualmente no período sinalado un recorte no consumo do tabaco, ó pasar a cantidade media de 18,4 a 15 pitillos por fumador.
Actualmente, segundo o subdirector xeral, hai unhas 12.000 persoas na rede asistencial galega recibindo algún tipo de atención polo uso e abuso de drogas, mentres que arredor de 3.000 pediron o alta para reintegrarse socialmente.
Botellón
Sobre o fenómeno do 'botellón', Víctor Pedreira falou da existencia de cifras dispares no consumo, dependendo dos distintos estudos, aínda que se estima que podería situarse entre o 7 e o 8% de quen inxire algún tipo de droga, cifra que no caso do consumo de derivados do cannabis situase en torno o 5%, e nun 15% para as substancias de síntese.
O III Congreso Luso-Galaico sobre Avances de Drogodependencias celebraráse mañá e pasado en Santiago. Entre os seus obxectivo está a mellora da formación de profesionais de ambos lados da fronteira, así como o intercambio de información e os novos enfoques para o tratamento das drogodependencias.
25/10/2007
