AGN (Santiago).
A dirección da Compañía de Radio Televisión de Galicia (CRTVG) recoñece a "mala calidade lingüística" dos seus traballadores e asegura que está procurando facer fronte á situación mediante a adopción de diversas medidas ante unha pregunta do Bloque Nacionalista Galego.
A compañía afirma que a calidade do uso do galego entre os profesionais é "manifestamente mellorable" e lembra que se trata dun problema "herdado".
Aproveitar a reforma o ente
Pola súa parte, o coordinador do grupo parlamentario do BNG, Bieito Lobeira, considera que "convén" estudar a creación dun instrumento ó servizo da normalización do idioma na CRTVG ante a perspectiva de reforma da lei do ente público.
O deputado nacionalista anunciou que o BNG vai traballar neste sentido e que fará un seguimento dos traballos que xa se están realizando para cambiar a situación da capacitación lingüística nos medios de comunicación públicos da comunidade.
22/10/2007
