Xeración.
Só un día despois de anunciar a súa retirada do Partido Socialista de Cataluña, o ex presidente da Generalitat Pasqual Maragall, revelou hoxe que lle foi diagnosticado un principio de Alzheimer, polo que deixará a política para adicarse a combater a enfermidade.
Maragall responde así ós rumores "ás veces interesados" sobre a súa saúde que circulaban no ambiente político catalán. Asegura que lle adicará grande parte do seu tempo a combater a doenza, xa que "en ningún sitio está escrito que sexa invencible".
O político catalán anunciou que traballará con institucións e asociacións de afectados desta enfermidade dexenerativa, para tratar de eliminar os prexuízos que a acompañan.
O que foi durante 15 anos alcalde de Barcelona mostrou o seu optimismo ó afirmar que "fixemos os Xogos Olímpicos, aprobamos e refrendamos o Estatuto e agora iremos a polo Alzheimer".
20/10/2007
