AGN (A Coruña).
O Concello de A Coruña comezará a empregar un novo método para pavimentar algunhas das rúas do centro da cidade. Usarán un composto fabricado con neumáticos reciclados para reducir o ruído do tráfico.
Este produto, coñecido como betume de pó de neumático, usarase para pavimentar as rúas da Torre e San Juan, e o entorno da praza de España. O composto foi desenvolvido por Repsol YPF e consiste en mellorar o betume con caucho de neumático reciclado. Ademais da diminución da contaminación acústica orixinada polas rodas dos coches, resólvese un problema medioambiental, a acumulación de neumáticos en vertedoiros.
Esta é a segunda vez que o concello utiliza este material, aínda que na anterior ocasión non se asfaltaron rúas, senón os aparcadoiros de Salvador de Madariaga, unha obra na que se reciclou medio milleiro de neumáticos.
A concelleiro de Infraestruturas, Esteban Lareo, xa anunciou que antes de fin de ano tamén se mellorará o pavimento no xardín perimetral de Méndez Núñez, a praza Elíptica a rúa Corralón e o comezo de Juan Canalejo.
En total, o plan de asfaltado integral da cidade requiriu máis de 10 millóns de euros de inversión nos dous últimos anos.
11/10/2007
