Xeración /AGN (Santiago).
A Asociación PuntoGal avanzou outro chanzo para impulsar o dominio .gal, despois de a Consellería de Innovación e Industria fixese público un convenio de colaboración mediante o cal, o departamento autonómico aportará 186.000 euros á iniciativa.
O obxectivo principal é que a asociación emprenda as xestións precisas para que a Internet Corporation for Assigned Names and Numbers (ICANN) aprobe este dominio. A aportación económica destinaráse a costear os traballos técnicos e os custes que o ICANN impoña para presentar a candidatura galega.
Do mesmo xeito, esta contía garantirá a presenza da Asociación PuntoGal naqueles eventos internacionais promovidos por este organismo e a contratación de stands dentro da campaña promocional do dominio galego.
A próxima reunión do organismo internacional terá lugar en Los Ángeles a finais de outubro. Nesa reunión o ICANN informará dos requisitos que esixirá ós candidatos a obter dominio propio.
10/10/2007
