AGN.
Seis cans da Guardia Real veñen este fin de semana a Galicia para amosar as súas habilidades en defensa e detección de explosivos. Será o vindeiro sábado no recinto feiral de Fexdega en Vilagarcía, que acolle dous concursos caninos nacionais e un internacional.
A exhibición vaise celebrar a media tarde e durará unha media hora. Nela, os animais farán unha demostración do traballo que realizan diariamente coa Guardia Real española.
Segundo informou Fexdega nun comunicado, a demostración consistirá en varios exercicios de obediencia en conxunto e un de obediencia individual, así como outro de detección de explosivos nun vehículo.
Ademais, dirixidos polo tenente desta sección, Guillermo Vicente Cano, e o asesor técnico, Alonso Jimeno, representarán a neutralización dun sospeitoso cando simule unha agresión e a detención dun individo que finxa fuxir.
Custodia dos Reis
Estes seis cans integran un equipo formado por 50 animais e 30 persoas que traballan a diario no Palacio da Zarzuela, tanto na vixilancia como a custodia dos Reis e os xefes de Estado que visitan o país. A unidade entrena no Pardo e conta con tamén con cans especializados en detección de drogas, rescate e busca de persoas.
13/09/2007
