Silvia Canabal.
A emblemática cabeceira de 'El Jueves, la revista que sale los miércoles' será 'actualizada' para a ocasión a vindeira semana. O semanario satírico converterase en 'La revista que secuestran los viernes', tras unha proposta do autor pontevedrés Kiko da Silva.
Despois de que a pasada semana a Audiencia Nacional ordenase o 'secuestro' e retirada dos quioscos da publicación por unha caricatura dos Príncipes de Asturias, as mostras de apoio á revista multiplicáronse por toda a rede. Unha delas veu da man de Da Silva, colaborador da publicación, que ironizaba no seu blog profetizando o que sería a portada do próximo número da revista.
Pese a que a ilustración da portada aínda é un misterio, parece que a idea do cambio de cabeceira callou na redacción do semanario. "Ten gracia, mandeille o cabeceiro aos compañeiros de revista, e gustoulles e vano publicar o vindeiro mércores", avanza hoxe Da Silva. "Un verdadeiro orgullo para min, é a primeira vez que cambian o cabeceiro máis emblemático das revistas de humor españolas...", engade.
Rectificación
Por outra banda, os propios autores da revista contestaron con ironía á retirada da publicación cunha portada alternativa. E como unha imaxe vale máis que mil palabras, sobran os comentarios.
23/07/2007
