Ramudo. AGN (Santiago/Lugo).
Os representantes da candidatura do BNG á alcaldía de Lugo déronlle plantón esta mañá a Orozco na reunión prevista para negociar o futuro goberno de coalición. O alcalde en funcións e aspirante ao bastón de mando da cidade convocara a reunión no despacho da Alcaldía, paro a delegación do BNG decidiu non acudir por non tratarse dun lugar neutral.
O líder dos nacionalistas lugueses, Anxo Lage, asegurou que xa lle manifestara onte a Orozco que non acudiría á reunión de celebrarse no despacho do primeiro edil. O aludido, pola súa banda, respondeu que non entendera tal cousa da conversa telefónica mantida onte con Lage. Sexa como for, a reunión terá que esperar para mellor ocasión.
12/06/2007
